D Vs D Dilemma


 

 

Sooraj ahista ahista doob raha tha , din ka ujala akhri sanson per tha. Parinday sara din ki thkawat kay bad ghol dr ghol apnay ghonslon ko lot rahay thay.

Hawa main albtta ab bhi wohi subha wala mudhr pn tha. Wo khush thi is umeed kay saath kay sooraj doob gya to kya hua, kal phir aik nya sooraj tuloo hoga.
“kya soch rahay ho?”
Abu Turab nay usay mutawjja kia

“Yousuf k baray main pareshan hoon”

Abu yousuf mukhtasir sa jawab daikr khamosh hogya

“kheriyat?”

“Ji mamu kheriat hi hay .Bus mujhay lagta hay k woh Deen
main itna gum ho gya hay k dunya say bay parwah hota jaraha hai, shiddat pasandi arahi hai uski tabiat main

 “woh kaisay?”
Abu Turab nay aik gehri nigah say Abu Yousuf ki taraf daikhtay hue poocha ,
Usnay kuch dair apni khali hathelion ko daikha or phir unki taraf mutawajja hua
“main saari zindagi yehi sochta raha k kaisay, akhir kis tarhan Deen or dunya ko sath sath chlaaya jaye. Deen ko bhi saath rakha jae aur dunya ko bhi na chora jaye. Yousuf mujh say poochta hay k baba mujhay bataen phir main Kya karun. Dunya pakarta hun to deen peechay reh jata hai, Deen ki taraf lagta hun to dunya sath nahin chlati.”
“To phir tum usay kya btatay ho?” Abu Turab nay sawal kia
“Main hamesha usay Rasoolullaah sallal lahu alaihi wasallam ki misal deta hun k unhon nay bhi to Deen aur dunya dono ko saath saath chalaya tha . Woh aik kamyab aur kamil insaan thay. Hamain bhi unhin k naqsh e qadam pay chalna hay.”
Kuch dair khamoshi rahi
“Yousuf tou khamosh ho jata hay hamesha mera jawab sun kar , magr yaar khud apni hi is baat say maira Dil kabhi mutmaen nahi hua aur na koi raasta nazar aya , to usko kesay itminan dila sakta hun “
sooraj doobtay hue apni akhri kirnain sirf is pahari pay hi phenk raha tha. Neechay ki dunya neem tareeki main doob chuki  thi
Wo khamosh hua to Abu turab nay halki si muskurahat kay sath kehna shuru kia
“mujhay aik baat batao . Hamaray nabi Mohammad Rasoolullaah SAWW ko kis haisiyat say Yaad kiya jata hay? Deeni shakhsiat kay tor per ya dunyavi shakhsiat kay tor per?”

“Deeni shakhsiat kay tor per”

Usnay bay sakhta kaha

“sahi, lekin aisa Kyun? Jub Kay woh dunyavi kaamon main bhi utnay hi kamyaab thay jitnay k deeni muamlat main”

Abu Yousuf nay na samjh anay walay andaz main unko dekha
“Kya kehna chah rahay hain aap?”

Abu Turab nay aik hath ki hatheli jitna bara mitti ka dela uthaya or uski taraf mutawja hue

“Abu Yousuf tum is dheelay ko baghair zaya kiye muthi main band kar k is pahari say neechay Ghar tak lay ja saktay ho?”

“haan lay ja sakta hun”

Abu Yousuf nay musalal kuch na samajhtay hue kaha

“sahi…”

Unhun nay mitti kay delay kay 2 tukray kiye or goya hue
“Ab Yeh do tukray hain, inko Usi hatheli main band kar k lay jana mushkil ho gya hay”
Unhun nay in delon ko muthi main band kiya tou woh dono tukray aik doosray say ragar kha k tootnay lagay.
“Haan Yeh tou is tarha toot jaen gay” Wo apna tajzia daitay hue bola

“bilkul! Aik doosray k saath takra k toot jaengay!”

“Maamoo Aap Kya kehna chah rahay hain mujhay samajh nahi aa raha”   Usay in pahelion say uljhan honay lagi thi

“dekho Abu Yousuf Deen bhi Yeh mitti ka dela hay. Dunya is Kay Andar hay. Lafz Deen ka Matlab hi zindagi guzarnay ka tareeqa hay. Aur zindagi is dunya main hi guzari jati hay tou phir Deen aur dunya 2 cheezain kaisay Ho sakti hain? Agar inko alag karo gay tou toot jaengi aur Haath main mitti k siwa kuch nahi bachay ga. Rasoolullaah SAWW dunya k muqablay main deeni shakhsiyat k tor pay is liye jaanay jatay hain k unhon nay mehnat Deen main ki. Unhon nay delay k 2 tukray nahi kiye. Usi aik tukray ko manzil tak pohanchaya tou unki dunya bhi sanwarti chali gai. Abu Yousuf Kya hamara Rub janta nahin tha k Hamain dunya main bhej k dunya ko hasil karnay ka tareeqa na bataya? Asal baat tou un maroof daaiya Yasmin Mugahed nay kahi thi k dunya ki cheezain hathiyar hain , alaat hain jinhain English main tools kaha jata hay. Yeh ozaar hain jin ki madad say hum nay aakhirat ko hasil karna hay. Hamara maqsad aakhirat hay ozaar nahi. Woh log bewaqoof hain Jo ozaaron ko samait k be maini zindagi guzar rahain hain. Dunya ka hasool sirf un ozaaron ki had tak hay jin say hum nay aakhirat ka tala kholna hay baqi sub be maeni hain. Allaah nay Deen ata kiya jis say Hamain un ozaaron ki nishan dahi kar di gai Jo zaroori hain aur bus. Asal kaam tou unko istemal karna hay aakhirat k liye”

Wo kuch dair ko rukay
“Tou Abu Yousuf dunya ko saath lay k chalna intehai zaroori hay lekin Yeh Deen ka hissa hi hay. Isko Deen say alag karo gay tou bhatak jao gay. Hidaet Deen main hay Deen k Baahir sub gumrahi hay andhera hay”

 Abu yousuf muskura k Abu Turab ko dekhnay laga
“bus itni si baat thi? Itnay saal main is baray main sochta raha Yeh baat mairay zehan main Kyun nahi ? Hairat hay”

Abu Turab nay abru ka makhsoos ishara kia
“Tumharay dimagh say yousuf ki maa utraygi to kuch or ayega na”
“Bs kar dia karen kabhi to mamu” , Usnay masnoi narazgi say kaha.
 “Acha acha , chlo chlain ab. aaj tum maghrib parhao , misharay ki awaz main”

Kapray jhartay hue woh dono pahari say neechay utarnay lagay

“theek hay janab jaisa Aapka hukm”
wo dono muskurae aur pahari k neechay bnay guest house ki taraf chl diye!
Advertisements

One comment on “D Vs D Dilemma

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s